2025 کے آخری سپر مون کا حسین نظارہ آج رات پاکستان بھر میں دیکھا جائے گا۔
سائنس کے مطابق جب پورا چاند اپنے مدار کے دوران زمین کے قریب ترین مقام پر آتا ہے، تو یہ زمین سے قربت کی وجہ سے یہ عام دنوں کے مقابلے میں ذرا بڑا اور زیادہ روشن دکھائی دیتا ہے جسے عام طور پر ‘سپر مون’ کہا جاتا ہے۔
ایک سپر مون کو کسی بھی دوسری رات میں چاند سے کہیں زیادہ بڑا اور بہت زیادہ روشن ہونے کے طور پر ریکارڈ کیا جاتا ہے، کیونکہ یہ رواں برس کا آخری سپر مون ہے اور موسم کے اعتبار سے اسے کولڈ مون بھی کہا جاتا ہے۔
یہ بھی پڑھیں: سال 2026 میں کتنے سورج اور چاند گرہن ہوں گے؟ جانیے
رواں برس کا آخری سپر مون آج صبح 04:15 پر تقریباً 99.8 فیصد روشن حالت میں اپنے عروج پر ہوگا۔
پاکستان میں سپر مون آج شام 4 بج کر 58 منٹ پر 99.2 فیصد روشن حالت میں طلوع ہوگا، تاہم آج پوری رات پاکستان میں سپر مون باسانی دیکھا جا سکے گا۔