امریکی  ریاست کیلیفورنیا ایک بار پھر زلزلے کی زد میں آگیا۔ جمعرات کوچھ اعشاریہ چار کی شدت کے زلزلے کے بعد جمعے کو بھی سات اعشاریہ ایک کی شدت کے زلزلے نے کئی عمارتیں اور سڑکیں تباہ کردیں۔

بین الاقوامی میڈیا کے مطابق کیلیفورنیا میں سات اعشاریہ ایک شدت کازلزلہ ریکارڈ کیاگیا۔ امریکی جیولیوجیکل سروے کے مطابق زلزلے کامرکزشہررجکریسٹ کے شمال مشرق میں 11 میل دور ہے۔

امریکی نشریاتی ادارے سی این این کے مطابق دو دنوں میں یہ دوسرا بڑی شدت کا زلزلہ ہےجس کے باعث متعدد عمارتوں اورسڑکوں کونقصان پہنچا۔ زلزلہ پیما مرکز کے مطابق جمعرات کو آنے والے زلزلے کے بعدکم سے کم چودہ سو آفٹرشاکس بھی ریکارڈ کیے گئے۔

رجکریسٹ میں متعدد مقامات پرزلزلے کے بعد آگ بھڑک اٹھنے کی اطلاع بھی ملی جس کے نتیجے میں متعدد افراد زخمی ہوگئے۔

سین برنارڈینوکاونٹی فائر ڈیپارٹمنٹ کے مطابق شمال مٖغربی علاقوں آگ سےتباہی ہونے کے متعددواقعات بھی سامنے آئے۔

امریکی حکام نے متاثرہ علاقوں میں ایمرجنسی صورتحال سے نمٹنے کیلئے آپریش سینٹرز بھی قائم کردیے ہیں۔