برٹش ائیرویز نے سیکیورٹی خدشات کے پیش نظرقاہرہ کیلئے اپنی پروازیں ایک ہفتے کیلئےمعطل کردیں ہیں ۔

تفصیلات کے مطابق برٹش ائیر ویز  کے  مسافروں  نے بتایا ہے کہ  لندن ائیر کے بین الاقوامی  ہوائی اڈے ہیتھرو سے قاہرہ  جانے والی  تمام  پروازوں  کو منسوخ کردیا گیا ہے جبکہ ایک ہفتے تک اس کے متبادل کوئی پرواز نہیں ہوگی ۔

برطانوی فضائی کمپنی نے معطلی کے فیصلے سے متعلق ایک بیان میں کہا ہے کہ ایئر لائن نے یہ اقدام حفظ ماتقدم کے طور پر اٹھایا ہے جس کے تحت سیکیورٹی اقدامات کا جائزہ لینا مقصود ہے۔

ادھر مصر کی شہری ہوابازی کی وزارت کے ذرائع نے بتایا کہ ایک ہفتے تک قاہرہ کے لئے برطانوی فضائی کمپنی کی پروازیں معطل کرنے کا فیصلہ برطانیہ کے محکمہ ٹرانسپورٹ یا دفتر خارجہ کا نہیں ہے۔