پاکستان کی امن دوستی اورخطے میں استحکام کی کاوشوں نے امریکاکوبھی قائل کرلیا۔ امریکا کی جانب سےکرتارپورراہداری منصوبےپرپاکستان اور بھارت کےدرمیان ہونے والےمذاکرات کومثبت اقدام قراردےدیا۔

تفصیلات کےمطابق امریکی محکمہ خارجہ کی ترجمان مورگن آرٹیگس نے نیوزکانفرنس کے دوران صحافیوں سےگفتگو کرتے ہوئے پاک بھارت کرتارپورراہداری منصوبےکوپاکستان کی جانب سے اٹھایا گیامثبت اقدام قرار دے دیا۔

ترجمان امریکی محکمہ خارجہ کا کہناتھا کہ پاکستان کی عوامی رابطے بڑھانے کی کوشش کی حوصلہ افزائی کرتے ہیں۔

مورگن آرٹیگس نےوزیراعظم عمران خان کےدورہ امریکا پربھی اظہارخیال کیاکرتے ہوئے کہا کہ پاکستانی وزیراعظم اگلے ہفتےامریکاآرہے ہیں اورصدرڈونلڈ ٹرمپ سےوہائٹ ہاوس میں ملاقات کریں گے۔