ایران کی جانب سے تحویل میں لیے گئے دو برطانوی آئل ٹینکرمیں سے ایک کوچھوڑ دیاگیاہے۔

تفصیلات کے مطابق ایران کی جانب سے برطانوی آئل ٹینکر کوچھوڑدینے کا دعویٰ اسرائیل کےایک اخبارنے کیا۔

برطانوی وزیر خارجہ جیریمی ہنٹ نےاس سےقبل جاری کردہ اپنے بیان میں ایران کوخبردار کیا تھا کہ اگربرطانیہ کا آئل ٹینکر نہ چھوڑا تو سنگین نتائج بھگتنا ہوں گے۔

بین الااقوامی میڈیا کا کہنا تھا کہ ہنگامی صورتحال کےباعث ایک دن میں دومرتبہ ’ کوبرا کمیٹی‘ کے اجلاس منعقد ہوئےجو سنگین حالات کے عکاس ہیں۔

واضح رہے کہ ایران اور امریکا کے درمیان خلیج اومان اور خلیج فارس میں بڑھتی ہوئی کشیدگی میں اس وقت سامنے آئی جب برطانیہ نے جبرالٹر میں ایک ایرانی آئل ٹینکرکو اس الزام کے تحت اپنی تحویل میں لیا کہ وہ یورپی یونین کی پابندیوں کو نظرانداز کرکے شام خام تیل لے کر جارہا تھا۔