فرانس میں قومی دن پرسینکڑوں یلوویسٹ مظاہرین سڑکوں پر نکل آئےاور حکومت کےخلاف شدید نعرے بازی کی۔

تفصیلات کےمطابق فرانس کےدارالحکومت پیرس میں سینکڑوں یلوویسٹ مظاہرین نےحکومت کے خلاف مظاہرے کیے۔ اس دوران مظاہرین کی پولیس سےشدید جھڑپیں ہوئیں۔ جس کومنتشرکرنے کیلئےپولیس کی جانب سےآنسوگیس کی شیلنگ کی گئی۔

کالےلباس میں ملبوس مظاہرین نےپیرس کی اہم شاہراہوں کوبھی لوہے کی باڑیں لگا کربندکردیا اور سڑکوں پرموجودکچرےکے ڈبوں کوآگ لگا دی۔

اس موقع پرپولیس نےتشدد کے الزام میں180افرادکوحراست میں لے لیا۔

فرانس میں معاشی سختی اور ملک میں بڑھتی ہوئی مہنگائی کے خلاف ’یلو ویسٹ تحریک‘زور پکڑ گئی ہے۔

فرانس میں حکومت مخالف تحریک رواں سال کےآغاز سےجاری  ہے جس کے باعث فرانسیسی صدر کی مقبولیت میں واضح کمی ظاہر ہورہی ہے، فرانسیسی صدر کی مقبولیت 2017 میں منصب سنبھالنے کے بعد سے اب تک کی نچلی ترین سطح 27 فیصد پر پہنچ گئی ہے۔