مصرکےدارالحکومت قاہرہ میں کینسراسپتال کے باہرمخالف سمت سے آنے والی گاڑی متعدد گاڑیوں سے ٹکرا گئی، تصادم کے باعث دھماکے میں 19 افراد جاں بحق جبکہ 30خمی ہوگئے۔

غیرملکی خبر ایجنسی کے مطابق حادثہ مصر کے مشہورتحریراسکوائرکے قریب پیش آیا جہاں تیزرفتار گاڑیاں آپس میں ٹکرانے کےباعث دھماکاہوا۔

دھماکے کے بعداسپتال میں آگ لگ گئی جہاں موجود مریضوں کو فوری طور پردوسرے اسپتال منتقل کردیا گیا۔تاہم اسپتال انتظامیہ کی جانب سےمریضوں کونقصان پہنچنے کی کوئی اطلاع موصول نہیں ہوئی۔ اسپتال میں لگی آگ کچھ دیرکی کوششوں کےبعد بجھادی گئی۔

مصرکے پبلک پراسیکیوٹرکے مطابق واقعے کی تحقیقات کی جارہی ہے۔