بھارت میں جنسی حملےکا نشانہ بننے والی امریکی خاتون نےدنیاکےسامنےکرپٹ بھارتی قانونی نظام کا پول کھول دیا ، سماجی رابطے کی ویب سائٹ فیس بک پرخاتون کاانصاف مانگتےہوئےوڈیووائرل ہوگیا۔

غیرملکی خبرایجنسی کےمطابق امریکی خاتون 2013 میں مبینہ طور پربھارت میں جنسی حملےکانشانہ بنیں۔

 امریکی خاتون کےمطابق ان پرمبینہ طورپرجنسی حملہ کرنےوالےملزم کوضمانت پررہائی مل گئی ہے۔

خاتون نےفیس بک وڈیوپربھارتی کرپٹ نظام قانون کاپردہ چاک کرتے ہوئےکہا کہ انہیں جنسی حملہ کیس میں ملزم کوسزادلوانےکیلئےتن تنہامتعدد مرتبہ بھارت جاناپڑا لیکن اس کاکوئی فائدہ نہ ہوا اور بھارتی کرپٹ عدالت کی جانب سے ملزم کوضمانت پررہائی دے دی گئی۔

امریکی ریاست کیلیفورنیاکےشہرسان فرانسسکو میں بھارتی قونصل خانے کےسامنےلائیووڈیوسیشن پر بیان دیتے ہوئےخاتون نے کہاکہ کیس کیلئے اب وہ بھارتی ہائیکورٹ یا سپریم کورٹ سے انصاف مانگیں گی۔

انہوں نے بتایا کہ بھارتی قونصل خانے جانےکا مقصداپیل کیلئےکاغذی تصدیق کی کارروائی ہے۔

امریکی خاتون نےکرپٹ بھارتی بیوروکریسی پرمزیدتنقید کرتےہوئےکہا کہ انہیں کاغذی تصدیق کیلئےبھی کیلیفورنیاکےشہرسکرامنٹومیں موجودبھارتی قونصل خانے جانے کاکہاگیاہے۔ انہوں نےوڈیوکے توسط سےلوگوں سےمدد مانگتے ہوئے کہا کہ انصاف دلوانے کیلئےانکاساتھ دیاجائے۔

دوسری جانب سان فراسسکو میں موجودبھارتی قونصل خانے کے جنرل کی جانب سےامریکی خاتون کےدعویٰ کی نفی کرتے ہوئےکہاگیاہےکہ اس سلسلےمیں کاغذی کارروائی کی جاچکی ہے۔

واضح رہے کہ امریکی خاتون پرملزم کی جانب سے24جون 2013 کواپارٹمنٹ میں داخل ہوکرمبینہ طورپرجنسی حملہ کیاگیا۔ملزم راجیوپنورنئی دلی کےسابق مئیرجئےشری پنورکابھتیجاہے۔