افغانستان کے صوبے زابل میں ٹرک بم دھماکاہواہے جس کے نتیجے میں 10افراد جاں بحق اور 80سے زائد زخمی ہوئے ہیں۔

غیر ملکی خبر رساں ایجنسی کے مطابق افغان صوبے زابل میں بم دھماکاانٹیلی جنس ایجنسی کے دفتر کے قریب ہوا جس میں 80 سے زائد افراد زخمی ہوئے ہیں۔

افغان حکام کی جانب سےزابل دھماکے میں 10 افراد کے جاں بحق ہونےکی تصدیق کرتے ہوئے بتایا کہ دھماکے کا ہدف انٹیلی جنس سروسز کی عمارت تھی۔

خیال رہے کہ امریکا اورافغان طالبان کے درمیان مذاکرات ختم ہونے کے بعد افغانستان میں بم دھماکوں اور تخریب کاری کی کارروائیوں میں اضافہ ہو گیا ہے۔

دو روز قبل افغانستان میں امریکی سفارتخانے اور صوبے پروان میں ہونے والے بم دھماکوں میں 48 افراد ہلاک ہو گئے تھے، ایک دھماکے میں افغان صدر اشرف غنی بھی بال بال بچ گئے تھے۔