بھارتی سپریم کورٹ نے گرفتار سابق وزیراعلیٰ محبوبہ مفتی کی بیٹی التجا مفتی کو والدہ سے ملاقات کی اجازت دے دی ہے۔ 

تفصیلات کے مطابق بھارتی سپریم کورٹ میں گرفتار سابق وزیراعلیٰ محبوبہ مفتی کی بیٹی التجا مفتی کی والدہ کی گرفتاری کیخلاف درخواست پر سماعت ہوئی،التجامفتی نے والدہ سے ملنے کے لئے درخواست دائر کی تھی۔

محبو بہ مفتی کا کہنا تھا کہ والدہ کی صحت سے متعلق تشویش ہے ، ایک مہینے سے والدہ سےملنے نہیں دیا گیا،والدہ  مقبوضہ کشمیر کی خصوصی حیثیت ختم ہونے کے بعد سے حراست میں ہیں۔

سماعت کے دوران عدالت نے استفسار کیا کہ التجامفتی کے والدہ سے ملنے میں کیا اعتراض ہے اور التجا مفتی کو والدہ سے ملاقات کی اجازت دے دی ۔

واضح رہے کہ مقبوضہ کشمیرمیں ایک ماہ گزرنے کے بعد بھی مسلسل کرفیو جاری ہے ، بچوں کا دودھ اور جان بچانے والی ادویات سمیت کھانے پینے کی اشیا ختم ہونے سے بحران سنگین ہوگیا ہے جبکہ نیٹ موبائل، انٹرنیٹ سروس اورٹی وی نشریات بھی بدستوربند ہیں۔

چند روز قبل التجا مفتی کا کہنا تھا کہ میری والدہ محبوبہ مفتی مقبوضہ کشمیرکی سابق وزیراعلی ہیں، مودی سرکارسے پوچھتی ہوں کہ ان سے دہشت گردوں جیسا سلوک کیوں کیا جارہا ہے۔

عدالت میں ملا قات کےلئے درخواست دائر کر نے سے قبل گرفتار سابق وزیراعلیٰ محبوبہ مفتی کی بیٹی التجا مفتی نے بھارتی وزیرداخلہ امیت شاہ کو بھی خط لکھا تھا ، جس میں کہنا تھا کہ کشمیریوں کو جانوروں کی طرح پنجرےمیں قیدکردیاگیاہے، کشمیریوں کوبنیادی انسانی حقوق سےمحروم کردیاگیاہے۔