سعودی عرب میں جنرل سپورٹس اتھارٹی کی جانب سے خواتین کی سائیکل ریس کا انعقاد کیا گیا ۔

ذرائع کے مطابق سعودی دارالحکومت ریاض میں جامعہ نورا میں منعقد ہونے والی ویمن سائیکل ریس میں درجنوں خواتین سائیکلسٹ نے حصہ لیا اور بیس کلومیٹر لمبے ٹریک پر خواتین نے ایک دوسرے سے آگے نکلنے کے لئے خوب قسمت آزمائی۔

تاہم پہلی دوسری اور تیسری پوزیشن پر آنے والی خواتین کو انعامات سے نوازا گیا۔

اس سے قبل سعودی عرب میں گزشتہ چند سال سے اصلاحاتی پروگرام جاری ہے، جس کے تحت تاریخ میں پہلی بار کئی اہم کام شروع کرنے کا سلسلہ شروع کیا گیا ہے۔

جہاں رواں برس سعودی عرب میں پہلی بار خواتین کی میراتھن ریس کا انعقاد کیا گیا تھاجس میں دنیا کے دیگر ممالک کی خواتین نے بھی شرکت کی تھی۔

ساتھ ہی عالمی ’یوم صحت‘ کے موقع پر سعودی عرب میں پہلی بار خواتین کی سائیکل ریس کا بھی انعقاد کیا گیا، جس میں ملک بھر کی 47 خواتین نے حصہ لیا۔

ایک رپورٹ کے مطابق پہلی ویمن سائیکل ریس کا انعقاد ساحلی شہر جدہ میں کیا گیا تھا، جس دوران خواتین نے 10 کلو میٹر تک سائیکل چلائی۔

واضح رہے کہ گزشتہ ماہ مارچ میں جدہ میں ہی خواتین کی میراتھن ریس منعقد کی گئی تھی