امریکی سینیٹرکرس وین ہولین دورہ پاکستان پرموجود ہیں وہ آج مظفرآباد آزاد کشمیرجائیں گے۔

تفصیلات کے مطابق امریکی سینیٹر کرس ہولین کشمیر کے اصل حالات جاننے کے لیے لائن آف کنٹرول کے دونوں جانب وادی کا دورہ کرنا چاہتے تھے تاہم بھارتی حکومت نے مقبوضہ کشمیر جانے کی اجازت دینے سے انکار کردیا تھا جس کے بعد وہ پاکستان آئے ، حکومت ِ پاکستان نے انہیں آزاد کشمیر کا دورہ کرنے کے لیے انتظامات کرکے دیے ہیں۔

امریکی سینیٹر کرس ہولین کا کہنا ہے کہ کشمیر سے انسانی حقوق کی خلاف ورزیوں کی مسلسل رپورٹس مل رہی ہیں، انسانی حقوق کی خلاف ورزی کا جائزہ لینے کے لیے مقبوضہ کشمیر جانا چاہتا تھا، انہوں نے یہ بھی کہا کہ امریکی حکومت کشمیر کے معاملات کا انتہائی باریک بینی سے جائزہ لے رہی ہے۔

وزیرخارجہ شاہ محمود قریشی نے اس با رے میں کہا ہے کہ بھارت نے امریکی سینیٹر کرس وین کو مقبوضہ کشمیر کا دورہ نہیں کرنے دیا، ہم انہیں آزاد کشمیرجانے کی دعوت دیتے ہیں۔

یہ بات انہوں نے اسلام آباد میں امریکی سینیٹرکرس وین کے ہمراہ میڈیا سے گفتگو کرتے ہوئے کیا، انہوں نے کہا کہ امریکی سینیٹر بھارت سے ہوتے ہوئے پاکستان آئے ہیں لیکن بھارتی حکومت کی جانب سے امریکی سینیٹر کرس وان کو مقبوضہ کشمیر کا دورہ نہیں کرنے دیا گیا۔

امریکی سینیٹر اگر چاہیں تو ہم ان کو آزاد کشمیر جانے کی دعوت دیتے ہیں، امریکی سینیٹر کرس وین ہولن نے امریکی صدر کو کشمیرکی صورتحال پرخط لکھا ہے۔

انہوں نے کہا کہ بھارت کی جانب سے مقبوضہ کشمیر میں انسانی حقوق کی مسلسل سنگین خلاف ورزیاں ہورہی ہیں، مقبوضہ وادی میں دوماہ سے مسلسل کرفیو جاری ہے۔

امریکی صدر ڈونلڈ ٹرمپ کا شکر گزارہوں جنہوں نے مسئلہ کشمیر کی اہمیت کو سمجھا، شاہ محمود قریشی کا مزید کہنا تھا کہ وزیراعظم عمران خان نے مسئلہ کشمیر کو اقوام متحدہ میں مؤثر طور پر اٹھایا اور دنیا کی توجہ اس جانب مبذول کرائی۔

واضح رہے کہ مقبوضہ کشمیر میں بھارتی جبری تسلط کو آج 63 واں روز ہے، کشمیری عوام بدترین قیدیوں کی زندگی گزارنے پر مجبور ہیں۔

تفصیلات کے مطا بق مقبو ضہ وادی میں قابض بھارتی فوج ظلم کے پہاڑ توڑ رہی ہے، نہتے کشمیری 63روزسے گھروں میں قید ہیں،بھارتی سپریم کورٹ کے حکم کے باوجود مقبوضہ وادی میں آج بھی نظام زندگی مفلوج ہے اور حالات معمول پر لانے کے لئے بھارتی حکومت نے  سپر یم کو رٹ کے حکم پر عمل در آمد کر تے ہوئے مقبو ضہ کشمیر میں کوئی  مثبت قدم نہیں اٹھایا۔ 

مقبوضہ کشمیر میں مسلسل 63ویں روز بھی کرفیو برقرار ہے اور مواصلات کا نظام مکمل پر معطل ہے، قابض انتظامیہ نے ٹیلی فون سروس بند کررکھی ہے جبکہ ذرائع ابلاغ پرسخت پابندیاں عائد ہیں