شمالی شام میں کردجنگجووں کی جانب سے ترک فوج کےقافلے پرراکٹ حملہ کیاگیاجس کےنتیجےمیں ایک ترک فوجی جاں بحق اور 5 زخمی ہوئے۔

بین الاقوامی خبررساں ادارےکےمطابق شمالی شام میں جنگ بندی کےباوجودترک فوج اور جنگجوؤں کےدرمیان جھڑپوں کےاکادکاواقعات کاسلسلہ جاری ہے،ترک فوج نےکردوں کے زیر تسلط علاقوں میں آپریشن کیاجب کہ جواب میں کردجنگوؤں نےترک فوج پرراکٹ داغے۔

ترک محکمہ دفاع کےترجمان کی جانب سےجاری کردہ بیان کےمطابق راس العین میں ترک فوج کےقافلےپرکردجنگجوؤں کےراکٹ حملےمیں ایک اہلکارجاں بحق اور 5 زخمی ہوئےہیں ۔ زخمیوں کوملٹری اسپتال میں طبی امداد فراہم کی جارہی ہے جن میں سے  اہلکاروں کی حالت نازک ہے۔

ترک فوج نے جوابی کارروائی میں کردوں کے علاقے میں سرچ آپریشن کا آغاز کردیا ہے تاہم کسی قسم کی جھڑپ یا گرفتاری کی کوئی اطلاع نہیں ملی ہے۔

دوسری جانب کردجنگجوؤں نےالزام لگایاگیاہےکہ ترک فوجیوں نےسیزفائرمعاہدےکی خلاف ورزی کرتےہوئےآپریشن جاری رکھاہواہے۔

واضح رہے کہ ترک صدر طیب اردگان کے حکم پر شمالی شام میں ترک فوجیوں نے پیش قدمی کرتے ہوئے 9 دن تک کردوں کے علاقوں میں کارروائی جاری رکھی تاہم امریکا کی مداخلت پر ترکی اور کردوں کے درمیان امن معاہدہ طے پاگیا تھا جس میں ترکی نے جنگجوؤں کو 5 دنوں میں علاقہ خالی کرنا تھا۔