بھارتی وزیراعظم نریندرمودی کی جانب سےکرتارپورراہدری کھولنے پرپاکستان کے سراہتے ہوئےوزیراعظم عمران خان کی تعریف کی گئی ہے اور کہا گیاہےکہ انہوں نے جذبات کوسمجھا اور عزت دی۔

تفصیلات کے مطابق نریندر مودی نےگرداسپور میں کرتارپور کوریڈور انٹیگریٹڈ چیک پوسٹ کی افتتاحی تقریب سے خطاب کرتےہوئےکہاکہ کرتارپور راہداری کھولنے پرپاکستان اوروزیراعظم عمران خان کا شکریہ ادا کرتا ہوں کہ انہوں نے بھارت کے جذبات کو سمجھا اورعزت دی۔

مودی نے کہا کہ کرتارپورراہداری بننےکےبعد سکھ یاتریوں کااب گوردوارے کی زیارت کرنامشکل کام نہیں، کرتار پورراہدری  سب کے لیے خوشی لے کر آیا ہے، اس سے یاتریوں کو گوردوارہ جانا آسان ہوجائے گا۔

انہوں نے کہا کہ کرتارپورراہداری کے معاملے پر عمران خان نے بھارت کے جذبات کو سمجھا، ان کا شکریہ، ساتھ ہی پاکستان کی جانب سے راہداری جلد بنانے پر بھی ان کا شکریہ ادا کرتا ہوں۔