عراق میں حکومت جاری مخالف  مظاہروں میں مظاہرین نےایرانی  قونصل خانےکوآگ لگا دی ہے۔

 غیرملکی خبررساں ادارےکے مطابق عراق میں مظاہرین کے ایک گروہ نےنجف شہرکےجنوبی علاقے میں واقع ایرانی قونصل خانے کو آگ لگا دی ہے۔

مظاہرین نےایران کے خلاف  سخت نعرے بازی کی، احتجاج کرنے والوں کا کہنا تھا کہ تہران حکومت عراقی پالیسی میں مداخلت کرتی ہے، مظاہرین ’ایران عراق سے نکلو‘ کے نعرے لگا رہے تھے۔

اطلاعات کے مطابق قونصل خانے کا عملہ عمارت سے باہر نکلنے میں کامیاب ہو گیا تھا۔

مظاہرین کی  جانب سےایرانی قونصل خانے پر یہ ایک ماہ میں دوسراحملہ ہے۔ اس سےقبل کربلا میں ایرانی قونصل خانےپرتین ہفتے پہلےحملہ ہوا تھا۔

کربلا:مظاہرین کاایرانی قونصلیٹ پرحملہ،عراقی پرچم لہرادیا

میڈیارپورٹس کے  مطابق کربلا میں سکیورٹی فورسز کی جانب سے منگل کو دو افراد کو گولی مار کر ہلاک کیا گیا جبکہ بغداد میں بدھ کو دو افراد ہلاک ہوئے۔ پانچویں ہلاکت بصرہ میں اس وقت ہوئی جب فورسز نے ایک شخص کو گولی ماری۔

دوسری جانب ایران نےمغربی ممالک پرالزام لگایاتھاکہ وہ عراق میں بدامنی پھیلارہےہیں۔

حکومت مخالف مظاہروں کےبعدعراقی وزیراعظم مستعفی ہونےپررضامند

عراق میں احتجاج وزیرِاعظم عبدالمہدی کی حکومت کا ایک سال مکمل ہونے کے موقع پر آن لائن دی گئی کال کے جواب میں کیے جا رہے ہیں۔مظاہرین کرپشن کے خاتمے، مزید نوکریاں فراہم کرنے اور بہتر عوامی سہولیات کے لیے مطالبہ کررہے ہیں۔

ایران میں تقریباًدوماہ سےجار ی حکومت مخالف مظاہروں میں اب تک کم از کم 344 افراد ہلاک ہو چکے ہیں۔

واضح رہےکہ بین الاقوامی تنظیم ٹرانسپرنسی انٹرنیشنل کے مطابق بدعنوان ترین ممالک کی فہرست میں عراق کا 12واں نمبر ہے