تھائی لینڈ میں مشتبہ علیحدگی پسندوں  کی فائرنگ سے سیکورٹی فورسز کے 15 اہلکار ہلاک ہوگئے۔

غیر ملکی خبر رساں ادارے کی رپورٹ کے مطابق   تھائی لینڈ کے صوبے یالا میں  فائرنگ کر کے  سیکورٹی فورسز کے پندرہ اہلکاروں کو ہلاک کردیا گیا  جبکہ پانچ زخمی بھی  ہیں۔

پولیس حکام کے مطابق   اہلکاروں کو گولی اس وقت ماری گئی جب وہ  چیک پوسٹ پر ڈیوٹی کے فرائض انجام دے رہے تھے۔ حملہ آوروں نے کارروائی میں بھاری ہتھیاروں کا استعمال کیا تھا۔مسلح افراد فائرنگ کر کے موقع سے فرار ہوگئے۔

پولیس نے بتایا کہ  واقعے کے فوری بعد امدادی  ٹیمیں موقع پر پہنچیں  جس کے  بعد لاشوں اور زخمیوں کو اسپتال منتقل کیا گیا۔جبکہ ملزمان  کی تلاش کےلئے جگہ جگہ چھاپے مارے جارہے ہیں۔