بھارت کےشہرحیدرآبادمیں دلہانےاپنی شادی سےآدھا گھنٹہ پہلے شادی ہال میں خود کشی کرلی۔

میڈیارپورٹس کےمطابق خودکشی کایہ واقعہ کومپالی کےعلاقےمیں پیش آیاجہاں سندیپ نامی نوجوان نے نئی زندگی کی شروعات سےقبل ہی زندگی کاخاتمہ کردیا۔

پولیس کاکہناہےکہ سندیپ شادی ہال کے میک اپ والے کمرے میں داخل ہواتوکافی دیرباہرنہ آنے پراہل خانہ کو تشویش ہوئی،اہل خانہ نےدروازہ کھٹکھٹایا مگرکوئی جواب نہ آیا تودروازہ توڑ دیا گیا۔

گھر والے جب کمرے میں‌داخل ہوئے تو سندیپ کی لاش پنکھے سے جھول رہی تھی، نوجوان نے پھندا لگا کر خودکشی کرلی تھی ۔

اس افسوسناک واقعہ پرشادی کی خوشیاں ماتم میں بدل گئیں۔پولیس حکام کےمطابق واقعےکی اطلاع مقامی تھانے کی پولیس کو دی گئی جس پر پولیس نےوہاں موجود لوگوں سےبیانات قلمند کیےاورمقدمہ درج کرکے تفتیش شروع کردی۔

پولیس کاکہناہےکہ فی الحال سندیپ کی خودکشی کی وجہ سامنے نہیں آسکی تاہم خودکشی کےمحرکات جاننے کے لیے تفتیش جاری ہے۔