بھارت کی جانب سےپنجاب کے سابق گورنرسلمان تاثیرکےصاحبزادےاوربھارتی نژادبرطانوی شہری آتش تاثیرکی بھارتی شہریت منسوخ کردی ہے۔

تفصیلات کےمطابق سابق گورنرپنجاب آتش تاثیرپیشےمیں صحافی ہیں اورنیویارک میں مقیم ہیں۔

آتش تاثیرنے کھ عرصہ قبل ٹائم میگزین میں ایک آرٹیکل لکھا تھا جس میں انہوں نے بھارتی وزیراعظم نریندرمودی پرکڑی تنقیدکی گئی ہے۔

 13اگست کوبھارتی وزارت داخلہ کی جانب سےآتش تاثیر کو نوٹس بھیجا گیاتھا جس میں ان سے کہا گیا کہ اوورسیز سٹیزن شپ آف انڈیا کارڈ کےلیےکاغذات جمع کراتےوقت انہوں  نےبھارتی سرکارسےیہ بات چھپائی کہ ان کےوالد پاکستانی تھے، اس لیے وہ بھارتی شہریت کے اہل نہیں ہوسکتےہیں۔

گزشتہ روزبھارتی وزارت داخلہ کی ترجمان نےسوشل میڈیاپرکہاتھا کہ آتش تاثیرنوٹس میں پوچھےگئےسوالوں کےجواب دینے میں ناکام رہےہیں،  اس لیے ان کی بھارتی شہریت منسوخ کردی گئی ہے۔

"Govt. considers revoking Author Aatish Ali Tasser's OCI card after his Time article..", as reported by #ThePrint, is a complete misrepresentation and is devoid of any facts.

— Spokesperson, Ministry of Home Affairs (@PIBHomeAffairs) November 7, 2019

بعدازاں آتش تاثیرنےسوشل میڈیا پربھارتی وزارت داخلہ کےدعوے کومسترد کرتے ہوئے کہا ہے کہ انہوں نے نوٹس کا جواب دے دیا تھااوراپنے دعوے حق میں ای میل کی تصویر بھی شیئر کی ہے ۔

آتش تاثیر نے لکھا کہ ان کی والدہ بھارتی شہری اور ان کی اکیلی سرپرست تھیں، انہیں مودی سرکارکے خلاف انتاقامی کارروائی کا نشانہ بنایاجارہاہے۔

This is untrue. Here is the Consul General’s acknowledgment of my reply. I was given not the full 21 days, but rather 24 hours to reply. I’ve heard nothing from the ministry since. https://www.bolnews.com/urdu/world/2019/11/913133/amp/ pic.twitter.com/t3LBWUtkdi

— Aatish Taseer (@AatishTaseer) November 7, 2019

ادھرصحافیوں کےتحفظ کی تنظیم کمیٹی ’ٹوپروٹیکٹ جرنلسٹس‘ نے بھارتی اقدام کی مذمت کی ہے ۔ واشنگٹن میں تنظیم کے ایشیا پروگرام کوآرڈی نیٹر اسٹیون بٹلر نے کہا کہ تنقیدی آرٹیکل کی اشاعت کےبعد صحافی کے امیگریشن اسٹیٹس کو نشانہ بنانا اس بات کو ظاہر کرتا ہے کہ بھارتیا جنتا پارٹی کو تنقید اور پریس کی آزادی برداشت نہیں ہے۔

 واضح رہے کہ آتش تاثیر سابق گورنر پنجاب سلمان تاثیر اور بھارتی صحافی تولین سنگھ کے بیٹے ہیں۔