مغربی افریقی ملک برکینا فاسو میں چرچ پر حملے میں پادری سمیت 14افرادہلاک اور متعدد زخمی ہوگئے۔

غیر ملکی   خبرایجنسی کے مطابق برکینافاسوکےمشرقی قصبےہانتوکوراکےچرچ میں سنڈےسروس کےدوران حملہ کیاگیا۔ چرچ میں دعائیہ تقریب جاری تھی کہ اس دوران متعدد مسلح افراد نے اندر داخل ہوکر فائرنگ کردی۔

.حکام کے مطابق واقعے کے بعد حملہ آورفرار ہونے میں کامیاب ہوگئے۔نامعلوم حملہ آوروں کی تلاش جاری ہے

صدر روچ مارک کرسچن کابورنےٹوئٹ میں واقعےپرافسوس کااظہارکرتےہوئےحملے کی سخت الفاظ میں مذت کی ہے۔

کابو نےسوگوارخاندانوں سےگہرے رنج وغم کااظہارکیااورزخمیوں کی جلد صحت یابی کےلئے دعا کی۔

 دوسری جانب  اب تک کسی تنظیم نےاس واقعے کی ذمہ داری قبول نہیں کی اورحملےکی وجوہات غیرواضح ہیں۔

واضح  رہے کہ  برکینا فاسوکی سرحد مالی سےملتی ہےجہاں القاعدہ اور داعش سمیت دیگر مسلح تنظیموں کے خلاف بین الاقوامی فوجی آپریشن جاری ہے جس میں برکینا فاسو کی فوج بھی شریک ہے۔

گزشتہ چندسال کے دوران برکینافاسومیں شدت پسندوں کےحملوں میں سیکڑوں افراد ہلاک اور زخمی ہوچکے ہیں۔

 اس سے قبل  گزشتہ اکتوبرمیں ایک مسجد پرحملےکےنتیجےمیں 15 نمازی جاں بحق ہوگئےتھے۔