افریقی ملک بورکینافاسومیں عسکریت پسندوں اورفوج کےدرمیان فائرنگ کےنتیجےمیں خواتین سمیت  35 عام شہری اور 80 دہشت  گردہلاک ہوگئےہیں۔

افریقی ملک بورکینافاسوکےشمالی علاقےاربیندامیں فوج اورعسکریت پسندگروپ کےدرمیان ہونےوالی لڑائی میں سات فوجی، 35  عام شہری جب کہ 80 دہشت گردہلاک ہوگئے ہیں۔

بورکینافاسوکی فوج کی طرف سے جاری کردہ ایک بیان میں کہا گیا ہے کہ ریاست سوم میں اربیندا کے مقام پر دہشت گردوں نے فوجیوں پرحملہ کردیا جس کے جواب میں فوج نے بھرپور کارروائی کرکے کم سے کم 80 دہشت گردوں کو موت کے گھاٹ اتاردیاہے ۔

فوج کی جانب سےبیان میں کہاگیاہےکہ اس تصادم میں سات فوجی ہلاک اور 20بھی زخمی ہوئےہیں۔

فوج نےعسکریت پسندوں کے قبضے سے ایک سو موٹرسائیکلیں، بھاری مقدار میں اسلحہ اور گولہ بارود بھی قبضےمیں لےلیاہے۔

 بیان کےمطا بق فوج نے دہشت گردوں کا تعاقب جاری رکھا ہوا ہے اوربری فوج کو فضائیہ کی مدد بھی حاصل ہے۔

وزیرمواصلات اورحکومتی ترجمان ریمس کاکہناہےکہ ہلاک ہونےوالے35 عام شہریوں میں 31  خواتین شامل ہیں۔

دوسری جانب اب تک کسی بھی عسکریت پسندتنظیم کی جانب سےاس حملے کی ذمہ داری قبول نہیں کی گئی ہے۔

افریقی ملک برکینافاسو میں مسجد پر فائرنگ، 15 نمازی شہید

حملےکےبعدجنوبی افریقی ملک کےصدر کاکہناتھا کہ ہمارےفوجیوں کی بہادری نےاس حملےکوناکارہ بنادیاہےاور 80 دہشت گردوں کوبھی ہلاک کردیاہے۔

 حملےکےبعدبورکیناکےصدرروچ مارک کرسچن کبورنےدوروزہ قومی سوگ کااعلان کیا ہے۔

قبل ازیں بورکینا فاسو فوج نے 16 دسمبرکو چار دہشت گردوں کو شمالی علاقے بیلھورو میں ہلاک کرنے کا دعویٰ کیا تھا۔

نومبرمیں بورکینا فاسوکےسیکیورٹی حکام نے مختلف کارروائیوں میں سو سے زائدعسکریت پسندوں کو ہلاک کرنے کا دعویٰ کیا تھا تاہم آزاد ذرائع سے ان ہلاکتوں کی تصدیق نہیں ہوسکی۔

جبکہ رواں سال اکتوبرمیں افریقی ملک بورکینا فاسومیں مسلح افرادنےمسجدمیں داخل ہوکراندھادھند فائرنگ کردی جس کےنتیجےمیں 15 نمازی شہید ہوگئےتھے۔