چین نے اقوام متحدہ  کی سلامتی  کونسل میں مسئلہ کشمیرپرکی جانےوالی بحث کوملتوی کردیاہے۔

غیر ملکی خبررساں ادارے کے مطابق چین نے پاکستانی وزیرخارجہ شاہ محمودقریشی کےخط کو بنیاد بناکر سلامتی کونسل میں کشمیر پر تفصیلی بریفنگ طلب کی تھی،تاہم اقوام ِمتحدہ  کےامن مشن کی جانب سے  تفصیلی بریفنگ نہ دینےپربحث کوملتوی کردیا گیاہے۔

میڈیارپورٹس کےمطابق سفارت کاروں نے اپنا نام ظاہرنہ کرنے کی شرط پراظہارخیال کرتےہوئےکہا کہ  چین کے امریکی سفیر جانگ جون نے منگل کے روز کونسل سے کہا کہ جب امن مشن تفصیلی بریفنگ دینےکےلئے تیارہوں گےتو وہ دوبارہ اجلاس کی درخواست کریں گے۔

جانگ جون کامزیدکہناتھاکہ ہم سب جانتےہیں کہ سلامتی کونسل کوپاکستان کےوزیر خارجہ کاخط موصول ہوا ہے جس میں سلامتی کونسل سےبحث کی درخواست کی گئی ہےاوراس پربات چیت جاری ہے۔

واضح رہےکہ سلامتی کونسل میں مسئلہ  کشمیرسےمتعلق بریفنگ لائن آف کنٹرول کی نگرانی کرنے والا اقوام متحدہ کامبصرمشن نےدینی تھی۔

دوسری جانب پاکستان نےایل اوسی کی نگرانی بڑھانےکامطالبہ کیاہے۔ پاکستان کاکہناہےکہ اس کامقصدجنگ بندی کی خلاف ورزیوں کو روکاجاسکے، حالیہ دنوں میں ایل او سی پر جارحانہ بھارتی اقدامات سے امن کو خطرات ہیں۔

وزیرخارجہ شاہ محمود قریشی کا کہنا تھا کہ بھارت نے کشمیر میں 4ماہ  میں  ظلم وبربریت کا نیاباب رقم کیا ہے، سلامتی کونسل کشمیریوں کو حق خودارادیت دلانے میں کردار ادا کرے۔

پاکستان کےوزیرخارجہ نےمطالبہ کیاکہ عالمی برادری بھارتی جارحیت کو روکے۔

واضح رہےکہ اگست میں بھی مقبوضہ کشمیرپرسیکیورٹی کونسل کااجلاس ہوا تھا۔ جبکہ وزیرخارجہ شاہ محمود قریشی نے 12دسمبر کو سیکیورٹی کونسل کو خط لکھا تھا، خط میں مقبوضہ کشمیر میں کشیدگی میں اضافے کا خدشہ ظاہر کیا گیا تھا۔

مقبوضہ کشمیرکی صورتحال بدستورکشیدہ ہےجبکہ بھارتی حکومت کی جانب سےعائد کرفیواپنےپانچویں مہینےمیں داخل ہوچکاہے۔