امریکی صدر ڈونلڈ ٹرمپ نے اعلان کیا ہے کہ امریکہ عراق میں موجود اپنے فوجیوں کی تعداد کم کرنے جا رہا ہے۔

سماجی رابطے کی ویب سائٹ ٹویٹر پر امریکی صدر نے کہا کہ “عراق میں جنگ سے متعلق قرارداد پر جمعرات کے روز ایوان نمائندگان میں رائے شماری ہو گی، ہم اپنے فوجیوں کی تعداد 5 ہزار تک کم کر چکے  ہیں اور اس تعداد کو مزید کم کریں گے۔

امریکی  صد رنے واضح کیا کہ میں ریپبلکنز اور ڈیموکریٹس سب سے یہ چاہتا ہوں کہ وہ اس حوالے سے دل سے ووٹ دیں”۔

On the Iraq War Resolution being voted on tomorrow in the House of Represenatives, we are down to 5000 soldiers, and going down, and I want everyone, Republican and Democrat, to vote their HEART!

Advertisement

— Donald J. Trump (@realDonaldTrump) January 29, 2020

واشنگٹن نے عراقی وزیراعظم عادل عبدالمہدی کے اس مطالبے کو مسترد کر دیا تھا جس میں عراقی پارلیمنٹ کی موافقت کے بعد عراق سے امریکی فوج کے انخلا کے لیے کہا گیا تھا۔

عراق میں امریکی سفارتخانے پر راکٹ حملے

 یہ مطالبہ 3 جنوری کو بغداد کے ہوائی اڈے پر امریکی حملے کے بعد سامنے آیا تھا۔ حملے میں ایرانی القدس فورس کا سربراہ قاسم سلیمانی اور عراقی ملیشیا الحشد الشعبی کا نائب سربراہ ابو مہدی المہندس مارا گیا تھا۔

ٹرمپ نے عراق میں امریکی فوجی اڈوں کے اخراجات کے مقابل بغداد پر مالی پابندیاں عائد کرنے کا عندیہ بھی دیا۔

دوسری جانب شام کے لیے امریکا کے خصوصی نمائندے جیمس جیفری کا کہنا ہے کہ “ہم عراقی حکومت کے ساتھ بیٹھ کر وسیع پیمانے پر بات چیت کے خواہاں ہیں تا کہ بغداد کے ساتھ مستقبل میں تعلقات کی مکمل حکمت عملی کو زیر بحث لایا جائے”۔