وادی کشمیرمیں قابض فوج کےایک اوراہلکارنے خودکشی کرلی ہے۔

کشمیرمیڈیا سروس کے مطابق وادی جموں وکشمیرکے ضلع ادھم پور میں واقع چھاؤنی میں تعینات سپاہی کمار نے اپنی رائفل سے خود کو گولی مار کر اپنی زندگی کا خاتمہ کرلیا۔

ہلاک سپاہی بھارتی ریاست پنجاب کے علاقے ہوشیارپورکارہنے والا تھا اور واقعے کے وقت گارڈ ڈیوٹی پر تھا۔

 دو روز قبل  بھی  بھارتی پیراملٹری فورس کے ایک اہلکارنےاپنے ساتھی کانسٹیبل کوسرکاری رائفل سے فائرنگ کرکے قتل کرنےکےبعد  خود کوبھی گولی مار کر خود کشی کرلی تھی  ۔

مقبوضہ کشمیر میں بھارتی فوج کے اہلکاروں  کی جانب سےخوکشی اورمعمولی  جھگڑے پرساتھی اہلکاروں کوقتل کرنے کے واقعات میں اضافہ ہوتاجارہاہے، 2017 سے ا ب تک 444 اہلکار خودکشی اورآپس کے جھگڑے میں ہلاک ہوچکےہیں۔

 گزشتہ سال جون میں بھارتی فوج کےدواہلکاروں نے دوران ڈیوٹی خودکشی کرلی تھی۔

 جبکہ گزشتہ سال  دسمبرمیں ہی بھارت کی مسلح بارڈرفورس کے اہلکارنےاپنے ہی ساتھیوں پرفائرنگ کرکےپانچ فوجی ہلاک کردیےتھے۔ جس کے بعدخود کوبھی گولی مارکرخودکشی کرلی تھی  ۔