ایران نے ایران نے یوکرائن کا مسافر طیارہ غلطی سے نشانہ بنانے کا اعتراف کرلیا،ایران کی داخلی تفتیش کے ابتدائی نتائج سے پتا چلا کہ یوکرائن کے مسافر طیارے کو غلطی سے نشانہ بنایا گیا جس میں 179 افراد ہلاک ہوگئے تھے۔،ایران کی داخلی تفتیش کے ابتدائی نتائج سے پتا چلا کہ یوکرائن کے مسافر طیارے کو غلطی سے نشانہ بنایا گیا جس میں 179 افراد ہلاک ہوگئے تھے۔

ایرانی وزیرخارجہ جوادظریف نے یوکرائنی طیارے کے حادثے سے متعلق سماجی رابطے کی ویب سائٹ ٹویٹرپرکہا کہ ہم عوام سے گہری ندامت، معذرت اور تعزیت کے خواہاں ہیں۔ جواد ظریف نے تمام متاثرین کے اہل خانہ اوردیگر متاثرہ ممالک سے معافی بھی مانگی۔

جواد ظریف نے کہا کہ امریکی جارحیت کے سبب جو حالات پیدا ہوئے ان میں انسانی غلطی سے مسافر طیارے کو حادثہ پیش آیا۔

A sad day. Preliminary conclusions of internal investigation by Armed Forces:

Advertisement

Human error at time of crisis caused by US adventurism led to disaster

Our profound regrets, apologies and condolences to our people, to the families of all victims, and to other affected nations.
💔

— Javad Zarif (@JZarif) January 11, 2020

ایرانی صدر حسن روحانی نے ٹویٹ کرتے ہوئے کہا کہ مسلح افواج کی تفتیش کے مطابق انسانی غلطی سے میزائل فائر ہواجو یوکرائنی طیارے کی تباہی اور 176 افرادکی موت کا سبب بنا۔

انہوں نے کہا کہ ذمہ داروں کے خلاف قانونی کارروائی کی جائے گی، یہ ناقابل معافی غلطی ہے،  اسلامی جمہوریہ ایران کو اس تباہ کن غلطی پرنہایت افسوس ہے۔

Armed Forces’ internal investigation has concluded that regrettably missiles fired due to human error caused the horrific crash of the Ukrainian plane & death of 176 innocent people.
Investigations continue to identify & prosecute this great tragedy & unforgivable mistake. #PS752

— Hassan Rouhani (@HassanRouhani) January 11, 2020

قبل ازیں امریکی محکمہ دفاع پینٹاگون نے بھی کہا تھا کہ طیارہ روسی ساختہ ایس اے 15 میزائل لگنے سے گرا اور ایرانی ریڈار سگنلز کو جیٹ لائنز پر لاک کرتے دیکھا گیا۔

کینیڈا اور دیگر یورپی ممالک نے بھی خفیہ رپورٹس کی بنیاد پر دعویٰ کیا تھا کہ مسافر طیارہ میزائل لگنے سے حادثے کا شکار ہوا۔

خیال رہے کہ دو روز قبل ایران کے دارالحکومت تہران سے یوکرائن جانے والا مسافر طیارہ اڑان بھرنے کے کچھ دیر بعد حادثہ کا شکار ہوگیا تھا۔

طیارہ امام خمینی ائرپورٹ سے ٹیک آف کے کچھ دیر بعد گر کر تباہ ہوا جس میں سوار تمام 179 مسافر ہلاک ہوگئے تھے۔ بین الاقومی خبر ایجنسی کے مطابق  مسافر طیارے میں ایران، کینیڈا، سویڈن اور یوکرائن کے شہری سوار تھے۔