پاکستانی چوروں نے سعودی عرب میں قوم کی ناک کٹوادی۔

تفصیلات کے مطابق سعودی عرب کی پولیس نے 13 پاکستانیوں پر مشتمل گروہ کو گرفتار کر لیا ہے۔

سعودی عرب کے قصیم ریجن کی پولیس نے 13 پاکستانیوں پر مشتمل گروہ کو گرفتار کیا،جو مبینہ طور پر بھیڑیں چوری کرتا تھا۔

قصیم ریجن پولیس کے ترجمان میجر بدر السحیبانی نے کہا ہے کہ سعودی عرب میں لوگوں کی املاک کو نقصان پہچانے کے معاملے کی جب تحقیقات کی گئی تو معلوم ہوا کہ اس میں پاکستانی بھی شامل ہیں۔

قصیم ریجن پولیس نے بتایا کہ 13 پاکستانیوں پر مشتمل ایک گروہ بھی چوری میں ملوث ہے۔

سعودی دارالحکومت ریاض کی 100 سال قدیم تصویر وائرل

انہوں نے کہا ہے کہ گروہ کے افراد ریجن کے مختلف علاقوں میں بھیڑ بکریاں چوری کیا کرتے تھے۔

یاد رہے سعودی  پولیس کے مطابق گرفتار شدگان کی عمریں 30 اور 40 کے درمیان ہیں اور ان کے خلاف قانونی کارروائی کی جا رہی ہے۔

واضح رہے کہ ترجمان نے بتایا کہ گرفتار پاکستانیوں نے 400 بھیڑیں چوری کرنے کا اعتراف کیا ہے۔