شام کےشمال مغربی صوبہ ادلب میں شامی فوج کے فضائی حملےمیں 34 ترکی فوجی ہلاک ہوگئے۔

غیرملکی میڈیا کےمطابق ادلب کےگورنرنےشامی فضائیہ کی جانب سےفضائی کارروائی میں 34 ترک فوجیوں کی ہلاکت کی تصدیق  کردی ہے۔

عرب میڈیاکےمطابق ادلب صوبے کے احسم شہرمیں بلیون کےمقام پر جمعرات کےروزشامی فوج نےترکی فوجیوں پرحملہ کیاجس کے نتیجےمیں کم سےکم 34 ترک فوجی ہلاک اورکئی زخمی ہوگئے۔ زخمیوں اورہلاک ہونےوالےفوجیوں کو سرحدی علاقےالریحانیہ اور ترکی کےانطاکیہ شہرکےاسپتالوں میں منتقل کیاگیاہے۔

برطانوی میڈیا کے مطابق شامی فضائیہ کی کارروائی پرردعمل میں ترکی نےخبردارکیاہےکہ شام میں اسےاپنےتمام اہداف کاعلم ہے جبکہ ترکی نےبعد میں شامی فوجیوں اورحکومتی اہداف پرانتقامی کارروائی کی۔

حملےکےبعد ترک صدررجب طیب ایردوآن کاتقریرمیں ان فوجیوں کی ہلاکتوں کی تصدیق کرتےہوئےکہناتھاکہ ہمارے 34 جوان شہید ہوئے ہیں، اللہ انھیں جواررحمت میں جگہ دے لیکن دوسری جانب شامی نظام کا بھی بھاری جانی نقصان ہواہے۔‘

دوسری جانب اقوام متحدہ کےسیکریٹری جنرل نےبڑھتےہوئےپرتشددواقعات پرگہری تشویش کااظہارکرتےہوئےفوری سیزفائرکامطالبہ کیا ہے۔

اس کےعلاوہ امریکی محکمہ خارجہ نے شامی افواج کی کارروائی کوجرم قرار دیتےہوئےاس کےفوری خاتمے کامطالبہ کیاہے۔

ترک وزیرخارجہ نےصورتحال پرنیٹوحکام سے بھی ٹیلی فونک رابطہ کیا۔ نیٹو کےسیکریٹری جنرل نےبھی شام اور روسی افواج کی جانب سے اندھا دھند فضائی کارروائی کی مذمت کی ہے۔

میڈیارپورٹس کے مطابق حالیہ ہفتوں میں ترکی کی جانب سےادلب میں ہزاروں فوجی تعینات کرنےکےبعدیہ ایک دن میں ترک فوجیوں کی ہلاکت کا سب سے بڑا واقعہ ہے۔