کرونا وائرس  سے حفاظت کے لئے چینی حکام نے شہریوں کو پالتو جانور ضائع کرنے کا حکم دے دیا ہے۔

تفصیلات کے مطابق پالتو جانور بھی کرونا وائرس کا شکار ہو سکتے ہیں، چینی حکام کی شہریوں کو پالتو جانوروں سے دور رہنے کی ہدایت کردی ہے، کرونا وائرس سے متاثر ہونے کے خدشے کے باعث چینی حکام کا شہریوں کو پالتو جانور ضائع کرنے کا حکم دیا گیا ہے۔

چائنہ میں کرونا وائرس کے پھیلاؤ کی روک تھام کے لیے احتیاطی تدابیر پر عمل کرتے ہوئے چینی حکام کی جانب سے چائنہ کے مختلف علاقوں میں شہریوں کو اپنے پالتو جانوروں کو چھوڑنے کا حکم دیا گیا ہے اور پالتو جانور رکھنے پر مکمل پابندی عائد کر دی گئی ہے۔

غیر ملکی میڈیا نے یہ انکشاف کیا ہے کہ چین کے آس پاس کی کمیونٹیز نے اپنے رہائشیوں کو پالتو جانور چھوڑنے کا حکم دیا ہے، ان کے نزدیک پالتو جانور ملک میں جاری کرونا وائرس کی حالیہ لہر سے متاثر ہو سکتے ہیں۔غیر ملکی خبر رساں ادارے کے مطابق ہیبی کے ایک گاؤں نے اپنے رہائشیوں کو پابند کر دیا ہے کہ وہ پانچ دن کے اندر اندر اپنے پالتو جانوروں سے علیحدگی کے متعلق فیصلہ کر لیں ورنہ حکام خود ایکش لیں گے۔

چین میں کرونا وائرس سے ہلاکتوں کی259 ہوگئی

شانسی میں ایک اور کمیٹی نے مقامی لوگوں سے فوری طور پر اپنے پالتو جانوروں کو ضائع کرنے کا مطالبہ کیا ہے۔ کرونا وائرس کے مرکز ووہان کے ایک محلے میں رہائشیوں سے اپنی بلیوں، کتوں اور دیگر مویشیوں کو فوری گھر سے نکالنے کا مطالبہ کیا گیا ہے، مقامی عہدیداروں نے دھمکی دی ہے کہ اگر ان کو جانور نظر آئے تو وہ ان کو موقع پر ہی مار کر دفن کر دیں گے۔

خبر ایجنسی کا کہنا ہے کہ اسی طرح کی ہدایات پورے ملک میں جاری کی جا رہی ہیں جس میں بیجنگ سمیت چائنہ کے بڑے بڑے شہر بھی شامل ہیں۔ علاوہ ازیں عالمی ادارہ صحت نے اس بات کی نفی کی ہے کہ پالتوں جانور بھی اس وبا کا حصہ ہو سکتے ہیں، ادارے نے یہ دعویٰ کیا ہے کہ ان کے پاس ابھی تک ایسا کوئی کیس نہیں جس سے پالتو جانوروں سے وبا پھیلنے کا انکشاف کیا جا سکے۔