امریکا کےصدر ڈونلڈ ٹرمپ نے کروناوائرس کے پھیلاؤکوروکنےکےلئےمہم کااعلان کردیاہے۔

 غیرملکی خبررساں ادارےکےمطابق امریکی صدرڈونلڈ ٹرمپ نےامریکامیں کروناوائرس کاپھیلاؤ روکنے کی مہم کا اعلان کرتے  ہوئےکہاہےکہ چینی مسافروں پر پابندی کےباعث امریکا میں کروناوائرس کاخطرہ بہت کم ہوگیا ہے۔

واشنگٹن میں میڈیا سے گفتگو کرتے ہوئے ڈونلڈ ٹرمپ کا کہنا تھا کہ ابتدا میں حکومتی فیصلےکوتنقید کانشانہ بنایاگیا،کرونا کے انسدادی فنڈزمیں اضافہ کیاجائے گا۔

امریکی صدرنے کہا کہ امریکا میں کروناوائرس کاخطرہ بہت کم ہے،ان کا یہ بھی کہنا تھا کہ اعداد و شمارکےمطابق ابھی 15 افراد میں کرونا کی نشاندہی ہوئی ہے، آنےوالےدنوں میں مرض بالکل ختم ہوجائےگا۔

 اسٹاک مارکیٹ میں مندی کےحوالےسےامریکی صدرکاکہناتھاکہ وائرس کی وجہ سے حالیہ دنوں اسٹاک مارکیٹ نیچےجارہی ہے جوکہ ٹھیک ہو جائے گی۔

دوسری جانب آسٹریلوی وزیر اعظم کا کہنا ہے کہ خدشہ ہے کہ کروناوائرس دنیامیں بہت جلدوبائی مرحلےمیں داخل ہوجائےگا۔

انہوں نے کہا کہ ہم سمجھتے ہیں کہ وبائی مرض کاخطرہ ہم پر بہت زیادہ ہےاوراس وبائی مرض سےنمٹنےکےلیےاہم اقدامات کی ضرورت ہے۔

واضح رہےکہ امریکا میں کروناوائرس کے تصدیق شدہ کیسز کی تعداد 60 ہوگئی ہے۔

جبکہ آج  دنیا بھر  میں  کورونا وائرس سےاموات کا سلسلہ رک نہ سکا اور پچھلے 24 گھنٹوں میں 44 افراد ہلاک ہوگئے جبکہ بیماری سے ہلاک ہونے والے افراد کی کل تعداد 2 ہزار 858 ہوگئی ہے۔

دوسری جانب  کرونا وائرس کے باعث ایران کے سابق سفیر سعید ہادی انتقال کرگئےہیں مقامی میڈیا کے مطابق وہ تہران کےاسپتال میں زیرعلاج تھے۔

 جبکہ آج کروناوائرس کے باعث ایران میں جمعےکےاجتماعات بھی منسوخ کردئیےگئےہیں ۔

خبر ایجنسی کے مطابق 52 ممالک میں متاثرین کی تعداد 83 ہزار 105 ہوگئی ہے جبکہ 36 ہزار 525 بیمار صحت یاب ہوگئے ہیں۔