میانمارمیں فوج کی فائرنگ سےکم ازکم  5  مسلمان جاں بحق جبکہ متعددزخمی ہوگئے۔

غیرملکی خبررساں ادارےکےمطابق میانمارکی مغربی ریاست راکھائن میں فوج کی فائرنگ اور گولہ باری سے کم از کم 5 روہنگیا مسلمان جاں بحق اور متعدد زخمی ہوگئے۔

میڈیارپورٹس کے مطابق مقامی حکام اورافراد کاکہناتھاکہ گزشتہ روزمراک یوقصبےمیں فوج کی فائرنگ اورگولہ باری کےنتیجےمیں 12 سالہ لڑکے سمیت 5 مسلمان جاں بحق ہوگئے۔جبکہ زخمی ہونےوالےروہنگیامسلمانوں کی تعداد کم ازکم 11رپورٹ کی گئی۔

علاقائی رکن پارلیمنٹ تون تھرسین کاکہناہےکہ تصادم گزشتہ روزاس وقت شروع ہواجب راکھائن میں بدھ مت  کےشر پسندوں پرمشتمل جنگجوؤں نے فوجی قافلےپرحملہ کیا۔

رکن پارلیمنٹ کامزیدکہنا تھاکہ جواب میں فوجیوں نےشورش زدہ علاقے کے دو دیہاتوں پرفائرنگ اورگولہ باری کی۔

میڈیا رپورٹس میں مقامی روہنگیا باشندے کا حوالہ دیتےہوئےکہاگیاہےکہ جاں بحق افراد کی لاشوں پرگولیوں کےنشانات موجود تھے

دوسری جانب میانمارکی فوج نےدعویٰ کیا کہ عسکریت پسند گروہ شہریوں کی موت کےذمہ دارہیں۔

جبکہ ریاست راکھائن کےعسکریت پسندوں کےترجمان کھین تھوکھانےفوجی دعوےکومستردکرتےہوئےشہریوں کی ہلاکتوں کاذمہ دار ریاستی فوج کو ٹھہرایاہے۔

واضح رہےکہ جنوری کےاوائل میں میانمار میں ایک دھماکے میں 4 روہنگیابچےہلاک ہوگئےتھے جس کے حوالے سے فوج اور باغیوں نے ایک دوسرے پر الزامات عائد کیے تھے۔

بعد ازاں 25 جنوری کو میانمار کے فوجیوں نے روہنگیا کے ایک گاؤں پر گولہ باری کی تھی جس میں ایک حاملہ خاتون سمیت دو خواتین ہلاک اور 7 افراد زخمی ہوگئے تھے۔