سعودی عرب میں شاہی خاندان کےتین سینئراراکین کی گرفتاری کےبعدمزید 20 شہزادوں کی گرفتاری کادعویٰ کیاہے۔

عرب خبر رساں ادارے کے مطابق جمعےکوفرمانروا شاہ سلمان کےبھائی شہزادہ احمدبن عبدالعزیزکواپنےبھتیجے ولی عہد محمد بن سلمان کے خلاف بغاوت کی منصوبہ بندی کےالزام میں گرفتار کیا گیا جس کےبعد منصوبہ بندی کاحصہ ہونےکےالزام میں مزید 20 شہزادوں کوگرفتا کرلیا گیا ہے۔

رپورٹ میں دعوی کیاگیاہےکہ پہلےہی چارناموں کی شناخت ہوچکی ہے جن میں پرنس احمد، ان کا بیٹا شہزادہ نائف بن احمد بن عبد العزیز ، لینڈ فورس انٹلی جنس اینڈ سیکیورٹی اتھارٹی کے سربراہ سابق ولی عہد شہزادہ محمد بن نائف اوران کےسگے بھائی نواف   شامل ہیں ۔

دو روز قبل بھی ولی عہد محمد بن سلمان کاتختہ الٹنےکی سازش کےالزام میں ان کےچچا شہزادہ احمدبن عبدالعزیز، چچا زاد بھائی اور سابق ولی عہد محمد بن نائف اور شاہی خاندان کے اہم ترین فرد شہزادہ نواف بن نائف کو ان کے محلات سےحراست میں لےلیاگیا تھا۔

  عرب میڈیاکابتانا ہے کہ ولی عہد محمد بن سلمان کی جانب سے گرفتار افراد پر بغاوت کے لیے امریکیوں سمیت دیگر بیرونی قوتوں سے رابطوں کا الزام عائد کیا گیا ہے۔

عرب میڈیانےنشریاتی ادارے کی رپورٹ کاحوالہ دیتےہوئےبتایاہےکہ سعودی فرمانروا شاہ سلمان نے گرفتاریوں کےوارنٹ پرخود دستخط کیے۔

2017میں بھی شہزادہ محمد بن سلمان کےاحکامات پرسعودی شاہی خاندان کےدرجنوں شہزادوں، وزرا اورکاروباری شخصیات کو بدعنوانی کے الزام میں گرفتارکرکے ہوٹل میں نظربند کردیاگیاتھا اورشہزادہ محمد سلمان کی بیعت کرنے کے بعدرہائی ملی تھی۔