افغانستان میں طالبان کے 2 حملوں میں کم از کم 12 افغان پولیس اہلکار ہلاک ہوگئے۔

فرانسیسی  خبررساں ادارےسے گفتگو کرتےہوئے صوبائی پولیس کےترجمان خلیل اسیر نےبتایاکہ اتوار کی رات جنگجوؤں نےشمال مشرقی صوبہ تخارمیں پولیس ہیڈ کوارٹر کی عمارت کے قریب متعدد چوکیوں پرحملہ کرکےکم ازکم 6 فوجیوں اور 13 پولیس اورحکومت کےحامی میلیشیا کوہلاک کردیا۔

ترجمان  پولیس کامزیدکہناتھاکہ اس وقت عمارت میں شادی کی تقریب ہورہی تھی، پولیس نے بہادری سے دفاع کرتےہوئےطالبان کوشادی کی تقریب میں داخل ہونےسےروک دیا۔

تاہم طالبان کی جانب سے اس پر کوئی بھی ردعمل سامنےنہیں آیاہے۔

 تخارکی صوبائی کونسل کےایک رکن محمد اعظم افضلی کاکہناتھاکہ  کم ازکم 7 گھنٹےجاری رہنے والی اس لڑائی میں 17 پولیس اور حکومت کے حامی ملیشیا ہلاک ہوگئے۔

ادھروزارت دفاع نے بتایا کہ جنوبی صوبہ زابل میں اتوار کی رات ایک فوجی چوکی پر طالبان کے حملے میں کم از کم 6 فوجی ہلاک ہوگئے۔

علاوہ ازیں وزارت داخلہ نے مزید بتایا کہ پیر کی صبح کابل شہر میں ایک چھوٹے ٹرک میں نصب بم پھٹنے سے 4 افراد زخمی ہوگئے۔

تاہم دوسری جانب  کسی  بھی جماعت  نےاس حملے کا دعوی نہیں کیاہے  ۔