دبئی میں کورونا وائرس کے باعث پابندیوں اورلاک ڈاؤن سےپریشان بھارتی اورپاکستانی شہری اپناسونافروخت کرنےپرمجبور ہوگئے۔

خلیجی اخبارکی رپورٹ کےمطابق کوروناوائرس کی وجہ سےپیداہونےوالےمعاشی بحران کےباعث کئی تارکین وطن اپنےروزمرہ کےاخراجات پورےکرنےیاکسی ممکنہ ہنگامی صورت حال میں اپنےپاس رقم رکھنےکےلیےسونابیچنےپرمجبورہوگئےہیں۔

دکانداروں کےمطابق سونابیچنےوالوں میں زیادہ تربھارتی، پاکستانی، بنگلادیشی، نیپالی اورسری لنکن باشندےشامل ہیں۔

اخبارکے مطابق کورونا وائرس کی وجہ سےدبئی سمیت متحدہ عرب امارات میں موجودلاکھوں تارکین وطن  نوکریوں سےمحروم ہوگئےہیں یاپھرانہیں تنخواہوں میں کمی کاسامنا ہے۔

 دوسری جانب کورونابحران کےدوران گزشتہ ایک ماہ میں متحدہ عرب امارات میں سونےکی قیمتوں میں ساڑھے 7 فیصدسےزائد اضافہ ہوچکاہے۔

جبکہ دبئی سمیت متحدہ عرب امارات میں لاک ڈاؤن ہےتاہم  یکم رمضان سےکرفیومیں نرمی کااعلان کیاگیاہےاوردوپہر 12 سے روزانہ 10 گھنٹےشاپنگ مالزکھلےہیں۔

واضح رہےکہ متحدہ عرب امارات میں کوروناوائرس سےمتاثرہ افراد کی تعداد 12 ہزارسےزائدہوچکی ہےجبکہ 105 افراد ہلاک ہوچکے ہیں۔