متحدہ عرب مارات میں سرکاری دفاتر اتوار سے کھل جائیں گے البتہ صرف 30 فیصد ملازمین ڈیوٹی کریں گے۔

حکومت نے کہا ہے کہ سرکاری اداروں کے ملازمین کی مرحلہ وار واپسی ہوگی، جن ملازمین کو پہلے دفاتر آنے سے استثنیٰ دیا گیا تھا انہیں اب بھی استثنی ہوگا اور وہ گھر سے کام کرتے رہیں گے۔

جن ملازمین کو اب بھی گھر سے کام کرنے کی اجازت ہے ان میں حاملہ خواتین، معذور افراد، کمزور مدافعتی نظام کے حامل، مستقل بیماریوں میں مبتلاء اور معمر ملازمین شامل ہیں۔

حکومت نے کہا ہے کہ ایسی خواتین جن کے بچوں کی عمریں 9 سال سے کم ہیں اور جنہیں نگہداشت کی ضرورت ہے یا جن کے بچے بیمار یا معذور ہیں انہیں بھی گھر سے کام کرنے کی اجازت ہے۔