تازہ ریسرچ رپورٹ کا دہلا دینے والا انکشاف ، جنوری سے اپریل کے آغاز میں لاک ڈاؤن نہ لگتا تو 50 کروڑسے زیادہ انسان کورونا کے مریض بن جاتے، صرف امریکہ میں چھ کروڑ لوگ کورونا وائرس کا شکار ہونے سے بچ گئے۔

تفصیلات کے مطابق دنیا کی جانب سے بروقت لگائے گئے لاک ڈاؤن کے باعث پچاس کروڑ لوگ کورونا کا شکار ہونے سے بچ گئے۔

سائنٹیفک جنرل نیچر میں شائع ہونے والے تازہ ریسرچ میں کہا گیا ہے کہ چین، جنوبی کوریا،اٹلی،ایران، فرانس اور امریکہ میں جنوری سے اپریل کے آغاز میں لگے لاک ڈاؤن کی وجہ سے پچاس کروڑ انسان کورونا کے شکار ہونے سے بچ گئے۔

بروقت لگے لاک ڈاؤن کی وجہ سے چین میں 28.5 کروڑ، جنوبی کوریا میں 3.8 کروڑ، 4.9اٹلی میں کروڑ، 5.4 کروڑ ایران، 4.5 کروڑ فرانس اور چھ کروڑ لوگ امریکہ میں کورونا کے مہلک وار سے بچ گئے۔

ریسرچ کے بانی یونیورسٹی آف کیلیفورنیا کے پروفیسر کا کہنا ہے کہ اگر ایمرجنسی اقدامات کچھ دیر مزید برقرار رکھے جاتے تو کیسز کی تعداد مزید کم ہو سکتی تھی۔

ان کاکہنا تھاکہ پچاس کروڑ انسانوں کی زندگیوں کو بچانا موجودہ انسانی تاریخ کی اجتماعی کوششوں کی بہترین مثال ہے۔