سعودی عرب میں پاکستانی ڈاکٹر نعیم خالد  کورونا وائرس کے باعث جان کی بازی ہار گیا۔

تفصیلات کے مطابق صدر پاکستان ڈاکٹرز فورم کے ڈاکٹر اسد رومی نے اپنے ایک بیان میں کہا کہ ڈاکٹر نعیم خالد مکہ مکرمہ کے مقامی ہسپتال میں دم توڑ گئے۔

اپنے بیان میں ڈاکٹر اسد رومی نے کہا کہ پاکستانی ڈاکٹر نعیم خالد  سرجیکل سپیشلسٹ تھے اور عرصہ دراز سے سعودی عرب میں خدمات سرانجام دے رہے تھے۔

صدر پاکستان ڈاکٹرز فورم کے ڈاکٹر اسد رومی نے مزید کہا کہ ڈاکٹر نعیم کا تعلق راولپنڈی سے تھا، ڈاکٹر نعیم کی اہلیہ اور تین بیٹیاں کا کورونا ٹیسٹ مثبت آیا ہے،جن کو گھر پر ہی قرنطینہ کر دیا گیا ہے۔

سعودی وزرات صحت نے پاکستانی ڈاکٹر نعیم خالد کی وفات پر رنج و غم کا اظہار کرتے ہوئے کہا کہ پاکستانی ڈاکٹر نعیم خالد کرونا وائرس کے خلاف لڑتے ہوئے زندگی بازی ہار گے جس پر دلی دکھ اور افسوس ہوا ، ڈاکٹر نعیم خالد کے لواحقین کے غم میں برابر کے شریک ہیں ۔

واضح رہے کہ سعودی عرب میں کورونا وبا میں مبتلا ہونے والے پاکستانیوں کی مجموعی تعداد ڈھائی ہزار ہے،مہلک وبا سمیت دیگر بیماریوں سے اب تک 100 کے قریب پاکستانی جاں بحق ہوچکے ہیں۔

سعودی عرب میں ماسک نہ پہننے پر جرمانہ مقرر

پاکستان کے سفیر راجا علی اعجاز نے آل پارٹیز زوم کانفرنس سے خطاب کیا تھا جس میں ان کا کہنا تھا کہ ہم سب کو انفرادی طور پر اس وبا کے چیلنج کا مقابلہ کرنا ہے، کورونا کے باعث انتقال کرنے والے پاکستانیوں کی میتوں کے علاوہ دیگر چند میتوں کو وطن بھجوانے کی کوشش جاری ہے۔

انہوں نے کہا تھا کہ مخیر حضرات کی کوششوں اور ان کے تعاون سے ضرورت مند افراد کو راشن پہنچائے جارہے ہیں جبکہ سفارتخانے کی جانب سے ایکسپائر ہونے والے پاکستانیوں کے تمام پاسپورٹ کی ایک سال کے لئے تجدید کی جا رہی ہے۔