سعودی عرب کے وزیر خزانہ محمد الجدعان نے کہا ہے کہ 42 ممالک نے قرض کی خدمت کی ادائیگیوں کو منجمد کرنے کے لیے ‘جی 20’ سے اقدامات کرنے کو کہا ہے۔

العربیہ کی ایک رپورٹ کے مطابق الجدعان نے مزید کہا کہ ‘جی ٹوئنٹی’ قرضوں کے انجماد کے اقدام کو 2020 سے آگے بڑھانے پر غور کرے گا۔

گروپ آف ٹوئنٹی نے کہا کہ آئی ایم ایف نے 80 ارب ڈالر کی مدد کی 77 درخواستوں کی منظوری دی ہے۔

سعودی عرب نے اس بات کی تصدیق کی ہے کہ ‘جی -20’ نے سعودی عرب کی سربراہی میں ماحول سے متعلق دو خصوصی اقدامات اپنائے ہیں، پہلے کا تعلق صحرا کو کم کرنے اور سبز علاقوں میں اضافے سے ہے اور دوسرا کاربن سرکلر معیشت کے تصور کو اپناتا ہے جس سے ماحولیات کے تحفظ اور وسائل کو برقرار رکھنے میں مدد ملے گی۔

سعودی عرب کے وزیر خزانہ الجدعان نے وضاحت کی کہ کورونا وبائی بیماری نے دنیا کے تمام حصوں میں روزمرہ کی زندگی پر گہرے منفی اثرات مرتب کیے ہیں، اس کا براہ راست اثر صحت ، معیشت ، ملازمتوں اور رسد کے تسلسل پر پڑا ہے ۔

پاکستان کو جی 20 ممالک سے بھی ریلیف مل گیا

وزیر خزانہ الجدعان نے یہ بھی کہا کہ سعودی عرب کی حکومت نے صحت کے شعبے میں سب سے پہلے بجٹ میں مختص کی جانے والی رقم کا سب سے پہلے جائزہ لینے اور انتہائی ضرورت مند شعبوں کی مدد کرنے کا کام کیا ہے۔

سعودی عرب کے وزیر خزانہ الجدعان نے مزید کہا کہ معاشی، معاشرتی اور ماحولیاتی نظام کی تشکیل نو کے لیے ایک قابل قدر موقع پیدا ہوا ہے تاکہ زندگی کے معیار کو بہتر بنانے پر توجہ دی جا سکے جبکہ اس سال فورم کی دلچسپی کام کے طریقہ کار کو تیز کرنے اور تبدیلی کے راستے اپنانے پر مرکوز ہو گی۔