ایتھوپیا ڈیڑھ سو سال سے زائد کا عرصہ گزرنے اور ایک طویل جدوجہد کے بعد بالآخر برطانیہ سے اپنے لُوٹے گئے 13 قیمتی نوادرات واپس حاصل کرنے میں کامیاب ہوگیا۔

ایتھوپین حکام نے برطانیہ کی جانب سے اس اقدام کا خیرمقدم کیا ہے۔ نوآبادیاتی دور میں لُوٹے گئے قیمتی نوادرات کیلیے افریقی ممالک برسوں سے جدوجہد کر رہے ہیں۔

ایتھوپی وزیر سیاحت کے مطابق یہ نوادرات 1868 میں ایتھوپی ریاست اور برطانیہ کے مابین ہونے والی جنگ کے دوران چوری کیے گئے تھے۔

رواں ماہ کے آغاز میں فرانس نے بھی 130 سال قبل نوآبادیاتی دور میں لُوٹے ہوئے 30 کے قریب شاہی نوادرات مغربی افریقی ملک بینن کو واپس کیے تھے۔