یوکرائن میں جاری جنگ کی وجہ سے قیمتوں کو مستحکم رکھنے کے متعدد نئے اقدامات کے باوجود عالمی منڈیوں میں خام تیل کی قیمتوں کو پر لگ گئے ہیں۔

برینٹ خام تیل کی قیمت 113 ڈالر فی بیرل تک پہنچ گئی ہے جو جون 2014ء کے بعد سے اب تک کی بلند ترین قیمت ہے۔

بین الاقوامی توانائی ایجنسی (آئی ای اے) کی جانب سے 60 ملین بیرل خام تیل ریلیز کیے جانے کے اعلان کے باوجود تیل کی قیمت میں روز افزوں اضافہ ہی ہوتا جا رہا ہے۔

واضح رہے کہ روس دنیا میں تیل کی پیداوار کے حوالے سے اہم ترین ممالک میں سے ایک ہے اور سرمایہ کاروں کو فکر ہے کہ حالیہ یوکرائن جنگ کی وجہ سے خام تیل اور گیس کی فراہمی میں خلل پڑ سکتا ہے۔