بھارتی نژاد برطانوی شہری  رشی سوناک برطانیہ کے نئے وزیر اعظم بن گئے۔

تفصیلات کے مطابق رشی سوناک بکنگھم پیلس میں کنگ چارلس سے ملاقات کے بعد برطانیہ کے نئے وزیر اعظم بن گئے ۔

بھارتی نژاد 42 سالہ رشی سوناک کو سابقہ وزیر اعظم لز ٹرس کے مستعفی ہونے کے بعد برطانوی کنزرویٹو پارٹی کا نیا سربراہ منتخب کیا گیا۔

لز ٹرس محض 45 دن برطانیہ کی وزیر اعظم رہیں اور معاشی حالات میں سدھار لانے میں ناکامی کے باعث استعفیٰ دے دیا ۔

رشی سوناک نے وزیر اعظم بننے کے بعد اپنی پہلی تقریر میں کہا کہ برطانیہ کو ایک  گہرے معاشی بحران کا سامنا ہے۔ رہنماؤں کو جرات مند ہونے کی ضرورت ہے۔

نو منتخب وزیر اعظم نے لیبر، اسکاٹش نیشنل پارٹی، لبرل ڈیموکریٹس اور گرین پارٹی کے مطالبات کے باوجود قبل از وقت عام انتخابات کو مسترد کر دیا۔

واضح رہے کہ رشی سوناک  برطانیہ کی 200 سال سے زائد کی تاریخ میں سب سے کم عمر وزیر اعظم  بن گئے ہیں۔

ا سکاٹش کنزرویٹو رہنما ڈگلس راس نے رشی سوناک کو کنزرویٹو پارٹی کے نئے رہنما اور وزیر اعظم بننے پر مبارکباد دی ہے۔