بھارتی فورسز نے ریاستی دہشتگردی کا مظاہرہ کرتے ہوئے مقبوضہ جموں  کشمیر میں 3 نوجوانوں کو شہید کردیا۔

کشمیر میڈیا سروس کی رپورٹ کے مطابق  قابض بھارتی فورسز نے تینوں نوجوانوں کو جعلی مقابلے میں فائرنگ کر کے شہید کیا۔

مزید پڑھیں: مقبوضہ کشمیر میں آزادی کے متوالوں کی جائیدادیں سیل اور مسمار کرنے کی مہم تیز

بھارتی فوجیوں نے سرچ آپریشن کی آڑ میں جموں اور قریبی علاقوں کا محاصرہ  کیا اور گھروں میں گھس کر لوگوں پرتشدد کیا اور خواتین اور بچوں کو ہراساں کیا۔

قابض بھارتی فوجیوں نے  متعدد گھروں میں توڑ پھوڑ بھی کی ۔ مقبوضہ جموں میں انٹرنیٹ اور موبائل سروس  بھی بند کردی گئی ہے۔

مزید پڑھیں: مقبوضہ کشمیر؛ گزشتہ 10 برسوں میں کتنی مرتبہ انٹرنیٹ سروسز معطل کی گئیں؟

بھارتی فورسز کے نام نہاد آپریشن کے باعث معمول کی زندگی معطل ہوگئی ہے۔دکانیں، کاروباری مراکز اور تعلیمی ادارے بند ہیں، لوگ گھروں میں  محصور ہوگئے ہیں۔

واضح رہے کہ  چند روز پہلے بھی مقبوضہ کشمیر میں بھارتی فوجیوں نے شوپیاں میں تین کشمیری نوجوانوں کو جعلی مقابلے میں شہید کردیا تھا۔