فرانس کے دارالحکومت پیرس کے مرکزی ریلوے اسٹیشن پر چاقو بردار شخص  نے حملہ کرکے 6 لوگوں کو زخمی کردیا۔

بین الاقوامی خبر رساں ادارے کے مطابق  پولیس کے ترجمان نے بتایا کہ پیرس کے گارے ڈو نورڈ ٹرین اسٹیشن پر ایک شخص نے چھ افراد پر چاقو سے حملہ کیا جس میں ایک شخص شدید زخمی ہوگیا۔

مزید پڑھیں: فرانس :چاقوبردارکاحملہ، 2افراد ہلاک

حملہ فرانسیسی وقت کے مطابق صبح پونے سات بجے ہوا۔ پولیس نے حملہ آور کو شدید زخمی حالت میں گرفتار کرکے اسپتال منتقل کردیا ہے  تاہم اس کے بچنے کے امکانات کم ہیں۔

پولیس نے گارے ڈو نورڈ ٹرین اسٹیشن کو خالی  کروا کر سرچ آپریشن شروع کردیا ہےجس کے باعث  اندرون و بیرون ملک ٹرینوں کی آمد و رفت شدید متاثر ہوئی ہے۔

مزید پڑھیں: فرانس میں نقاب پوش کا پولیس پر حملہ ، دو پولیس اہلکار زخمی

اس اسٹیشن سے لندن سمیت کئی یورپین شہروں کے لیے ٹرینوں کی آمد ورفت ہوتی ہے۔

حملہ آور کی شناخت اور حملے کا سبب تاحال سامنے نہیں آیا ہے۔