نیپال میں حادثے کا شکار ہونے والے بد قسمت طیارے کا بلیک باکس مل گیا۔

بین الاقوامی خبر رساں ادارے کے مطابق نیپالی حکام کا کہنا ہے کہ بلیک باکس سے حادثے کی تحقیقات میں مدد ملے گی۔

حکام کا کہنا ہے کہ بلیک باکس کے علاوہ چار لاپتہ افراد میں سے دو کی لاشیں مل گئی ہیں، باقی دو کی تلاش کے لیے حادثے کی جگہ پرسرچ آپریشن جاری ہے۔

واضح رہے کہ اتوار کے روز نیپال کے پوکھرا ائیرپورٹ کے قریب ایک مسافر طیارہ گھاٹی میں گر کر تباہ ہو گیا تھا۔

مزید پڑھیں:نیپال، نجی ائیر لائن کا مسافر طیارہ گر کر تباہ

طیارے میں عملے اور مسافروں سمیت 72 افراد سوار تھے جن میں سے اب 70 افراد کی ہلاکت کی تصدیق ہوچکی ہے، باقی دو افراد کا ابھی کوئی سراغ نہیں ملا۔

حادثے کا شکار ہونے سے قبل طیارے کی ایک وڈیو  بھی وائرل ہوئی تھی۔

مزید پڑھیں: نیپال: گزشتہ روز حادثے کے شکار طیارے کی وڈیو وائرل

 حادثے کا شکار ہونے والے طیارے میں موجود مسافر حادثے سے ایک منٹ قبل ہی فیس بک پر لائیو  ہوا تھا۔ طیارہ حادثے کے مناظر فیس بک پر لائیو ہونے کی وجہ سے ویڈیو میں ریکارڈ ہوگئے تھے۔