سعودی عرب پہلی مرتبہ یونیسکو کی عالمی ثقافتی ورثہ کمیٹی کا صدر منتخب ہوگیا۔

سعودی میڈیا کی رپورٹ کے مطابق سعودی عرب اس سال اقوام متحدہ کے ذیلی ادارے ’یونیسکو عالمی ثقافتی ورثہ کمیشن‘ کے اجلاس کی میزبانی کرے گا۔

مزید پڑھیں: یونیسکونے عراق کے تاریخی مقام ’بابل‘ کو عالمی ثقافتی ورثے کا حصہ قرار دے دیا

سعودی دارالحکومت ریاض میں یونیسکو عالمی ورثہ کمیٹی کا اجلاس 10 سے 25 ستمبر تک ہوگا۔

اس کمیٹی کی سربراہی یونیسکو میں سعودی عرب کی مستقل نمائندہ شہزادی حیفہ بنت عبدالعزیز الموگرین کریں گی ۔وہ یونیسکو کے پروگرامز اور بیرونی تعلقات کمیٹی کی چیئرپرسن بن گئی ہیں۔

مزید پڑھیں: یونیسکو حکام کا آذادی صحافت کے عالمی دن پر صحافیوں کے ساتھ اظہار یکجہتی

سعودی عرب کے انتخاب کی منظوری عالمی ثقافتی ورثہ کمیٹی کے 18ویں اجلاس کے دوران دی گئی جو کمیٹی کے تمام رکن ممالک کی موجودگی میں منعقد ہوا۔