امریکی صدر جو بائیڈن نے ماسٹرکارڈ کے سابق سربراہ اجے بنگا کو ورلڈ بینک کا سربراہ نامزد کردیا۔

بین الاقوامی خبر رساں ادارے کے مطابق صدر بائیڈن کی جانب سے انڈین امریکن اجے بنگا کو عہدہ دیے جانے کا مقصد ماحولیاتی تبدیلیوں سے نمٹنے کے لیے بہتر اقدامات ممکن بنانا ہے۔

یہ بھی پڑھیں: ورلڈ بینک نے آنکھیں پھیر لیں، سلگتے سری لنکا کی پریشانی میں اضافہ

اس موقع پر صدر بائیڈن نے کہا کہ اجے بنگا کو عالمی رہنماؤں کے ساتھ کام کا وسیع تجربہ ہے ۔

دوسری جانب جرمنی کی جانب سے بھی عالمی بینک کےسربراہ کی نامزدگی کی توقعات ہیں جبکہ جرمنی نے خاتون کو ورلڈ بینک سربراہ بنانے کی وکالت کی ہے۔

یہ بھی پڑھیں: پاکستان کے قرضوں کے متعلق ورلڈ بینک کے اہم انکشافات

اجے بنگا کی تعیناتی مئی تک ہونے کا امکان ظاہر کیا جا رہا ہے جبکہ ماحولیاتی امور پر اصلاحات کے تنازع کا شکار عالمی بینک کے موجودہ سربراہ ڈیوڈ ملپاس نے پچھلے ہفتے مستعفی ہونے کا اعلان کیا تھا۔