اٹلی کے شہر میلان کے اولڈ ہوم میں بھیانک آتشزدگی کے بعد 6 افراد ہلاک اور 80 زخمی ہوگئے ہیں۔

غیر ملکی خبر رساں ادارے کی رپورٹ کے مطابق اٹلی کے شہر میلان کے اولڈ ہوم میں اچانک آگ بھڑک اٹھی جب کہ اولڈ ہوم میں 167 ریٹائرڈ افراد موجود تھے۔

رپورٹ کے مطابق آگ پہلی منزل کے ایک کمرے میں لگی تھی اور دیکھتے ہی دیکھتے دھویں نے پورے گھر کو اپنی لپیٹ میں لے لیا۔

پولیس کے مطابق یہ حادثہ ابتدائی طور پر ایک حادثہ معلوم ہوتا ہے لیکن حادثے کی ہر پہلو سے تحقیقات کی جائیں گی۔

رپورٹ میں کہا گیا ہے کہ مرنے والے افراد میں سے 2 افراد بری طرح سے جھلس کر جاں بحق ہوئے تھے جب کہ 4 افراد کی موت کمرے میں دھواں بھرجانے کی وجہ سے دم گھٹنے سے ہوئی۔

آتشزدگی کے باعث درجنوں افراد کی حالت غیر ہوگئی جن میں سے زیادہ تر وہیل چیئر پر موجود تھے جب کہ 3 افراد کی حالت نازک بتائی جارہی ہے۔