فرانسیسی عدالت نے لیبیا کے رہنما معمر قذافی سے لاکھوں ڈالر غیرقانونی وصول کرنے پر سابق صدر نکولس سرکوزی کے خلاف مقدمہ چلانے کا حکم دے دیا۔

غیر ملکی خبر رساں ادارے کی رپورٹ کے مطابق فرانسیسی عدالت نے 2007 کی صدارتی مہم کے دوران لیبیا کے رہنما معمر قذافی کی حکومت سے لاکھوں ڈالر کی رقم غیرقانونی طور پر وصول کرنے پر سابق صدر نکولس سرکوزی کے خلاف مقدمہ چلانے کا حکم دیا ہے۔

نیشنل فنانشل پراسیکیوٹر جین فرینکوئس نے اعلان کیا کہ ایک دہائی سے جاری تحقیقات مکمل ہو گئی ہیں اور ٹرائل جنوری سے اپریل 2025 تک ہوگا۔

نکولس سرکوزی کو کرپشن کے کئی کیسز کا سامنا ہے جن میں سے دو میں انہیں سزا بھی ہوچکی ہے۔ ان کے کیسز میں جج پر اثر انداز ہونے کی کوششوں سمیت مہم کی مالی اعانت شامل ہے۔

انہوں نے تمام کیسز میں صحتِ جرم سے انکار کیا ہے جب کہ انہوں نے دونوں فیصلوں کے خلاف اپیل دائر کررکھی ہے۔

لیبیا سے مالی اعانت کے کیس میں سابق فرانسیسی صدر کے علاوہ 12 دیگر افراد کو بھی نامزد کیا گیا ہے جن میں سرکوزی کے سابق دائیں ہاتھ کلاڈ گوئنٹ، مہم کی مالی معاونت کے سربراہ ایرک ویرتھ اور اور سابق وزیر برائس ہورٹیفکس شامل ہیں۔

حالات حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/world/2023/08/320414/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/world/2023/08/320414/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں