اسرائیل اور حماس کے درمیان جھڑپیں چوتھے روز میں داخل ہوگئی ہیں اور غزہ پر اسرائیلی حملوں میں اب تک 849 فسلطینی شہید ہوچکے ہیں۔

غیر ملکی خبر رساں ادارے کی رپورٹ کے مطابق غزہ میں جاری ’طوفان الاقصیٰ‘ آپریشن میں فلسطینی شہدا کی تعداد 849 ہوگئی ہے جب کہ 4 ہزار سے زائد افراد زخمی ہیں۔

عرب میڈیا کے مطابق غزہ میں جاری بمباری کے دوران 900 سے زائد اسرائیلی ہلاک جبکہ 2600 سے زائد زخمی ہیں۔

رپورٹ کے مطابق اسرائیل نے غزہ پر حملے تیز کردیے ہیں جب کہ اسرائیل کی جانب سے ناکہ بندی بھی سخت کردی گئی ہے اور پانی و بجلی سمیت خوراک اور ایندھن کی فراہمی مکمل بند کردی گئی ہے۔

اسرائیل نے غزہ میں 200 اہداف کا نشانہ بنایا ہے اور پناہ گزین کے کیمپوں پر بھی حملہ کیا گیا ہے جب کہ اسرائیل بلا تفریق بمباری جاری رکھے ہوئے ہے جس کے نتیجے میں معصوم بچے اور خواتین شہید ہوئیں ہیں۔

واضح رہے کہ اقوام متحدہ نے مکمل ناکہ بندی کو بین الاقوامی قوانین کی خلاف ورزی قرار دیتے ہوئے غزہ کے اندر اور باہر انسانی راہداری کا مطالبہ کیا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/world/2023/10/550695/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/world/2023/10/550695/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں