قطر کے وزیراعظم شیخ محمد بن عبدالرحمان الثانی نے کہا کہ قطر پر اسرائیلی حملہ ریاستی دہشت گردی ہے، حملےکا جواب دینےکاحق محفوظ رکھتے ہیں۔

 قطری وزیراعظم نے کہا کہ قطراپنی خودمختاری کی خلاف ورزی برداشت نہیں کرےگا، نیتن یاہو خطےکو ناقابل واپسی کی سطح پرلےجارہےہیں، بدمعاشی اور ریاستی دہشت گردی کررہےہیں۔

شیخ محمد کا کہنا تھا کہ اسرائیلی حملےکاجواب دینےکےلیےقانونی ٹیم تشکیل دی ہے، اسرائیلی حملےکوغداری ہی قراردیاجاسکتاہے، حملے سےعالمی قوانین،اخلاقی معیارات کی بھی خلاف ورزی ہوئی۔

یہ بھی پڑھیں: قطر کی دوحہ میں اسرائیلی حملے کی شدید مذمت

قطری وزیراعظم نے مزید کہا کہ اسرائیل کوبین الاقوامی قوانین،اصولوں کو مدنظررکھناچاہیے، نیتن یاہوکی سفاکیت کامشترکہ طورپرجواب دیاجاناچاہیے، حملےسےمتعلق ہمیں کوئی اطلاع نہیں دی گئی، جبکہ اسرائیلی حملےکے10منٹ بعدامریکہ نےقطرکوکال کی۔

قبل ازیں امیر قطر شیخ تمیم بن حمدآل ثانی نے امریکی صدر ڈونلڈ ٹرمپ سے ٹیلیفونک رابطہ کیا۔

 ٹیلیفونک رابطے کے دوران امیرقطرنےدوحہ پراسرائیلی حملےکی سخت الفاظ میں مذمت کرتے ہوئے کہا کہ حملہ قطر کی خودمختاری اورسلامتی کی خلاف ورزی ہے۔

امیرقطر نے کہا کہ اسرائیلی حملہ خطےکی سلامتی اوراستحکام کےلیےخطرہ  ہے، حملہ امن قائم کرنےکی کوششوں میں رکاوٹ کاباعث بنےگا، جبکہ قطراپنی سیکیورٹی اورخودمختاری کامکمل تحفظ کرےگا۔