سعودی عرب  میں ملازمت کے خواہش مند افراد کے لئے بڑی خوشخبری آگئی۔ سعودی حکومت نے غیر ملکی ملازمین کے لیے ہنر پر مبنی ورک پرمٹ نظام (اسکل بیسڈ ورک پرمٹ) متعارف کر دیا۔

اس کا مقصد ہنرمند افراد کو سعودی افرادی قوت کا حصہ بنانا۔ یہ فیصلہ سعودی وزات افرادی قوت کی جانب سے کیا گیا۔

نئے نظام کے تحت غیر ملکی ہنر مندوں کو مختلف کیٹیگریز میں تقسیم کیا گیا ہے ۔  جن میں ہائی اسکل ، اسکلڈ اور بیسک کٹیگریز شامل ہیں۔

یہ درجہ بندی ملازمین کی تعلیمی قابلیت، تجربے، فنی مہارت، اجرت کی سطح اور عمر کی بنیاد پر کی جائے گی۔

یہ نظام یکم جولائی 2025 سے نافذ العمل ہے۔  پہلے سے موجود تارکین وطن کی از سرِ نو درجہ بندی 18 جون سے شروع ہو چکی۔

سعودی حکام کا کہناہے کہ اس اقدام کا مقصد ہے کہ کارکنوں کی کارکردگی میں بہتری لائی جائے۔ عالمی ماہرین کو سعودی مارکیٹ میں اپنی مہارت منتقل کرنے کے لیے متوجہ کیا جائے۔

اس نظام سے سعودی عرب کی آپریشنل کارکردگی میں اضافہ ہوگا۔دت و اختراعات کے لیے سازگار ماحول پیدا ہوگا۔

نیا نظام قویٰ پلیٹ فارم کے ذریعے نافذ کیا جائے گا۔  جہاں ایک ڈیجیٹل تشخیصی نظام کے تحت کارکنوں کی قابلیت کو سعودی پیشہ جاتی و تعلیمی درجہ بندی کے مطابق جانچا جائے گا۔

سعودی حکام کے مطابق  ورک پرمٹ درجہ بندی کے نظام سے متعلق مکمل رہنمائی کے لیے کتابچہ سعودی وزارت  افرادی قوت و سماجی ترقی  کی سرکاری ویب سائٹ پر دستیاب ہے جس میں عملدرآمد، ضوابط، اور تشخیصی طریقہ کار کی تفصیلات شامل ہیں۔