پاکستان کے عظیم فاسٹ بالر ز کی فہرست میں شامل عمر گل کی  ریٹائرمنٹ پر پاکستان کرکٹ بورڈ(پی سی بی) نے انہیں زبردست خراج تحسین پیش کیا ہے۔

پاکستان کرکٹ بورڈ(پی سی بی) کی جانب سے عمر گل کی ریٹائرمنٹ کے لمحات کی ویڈیو اس کیپشن کے ساتھ شیئر  کی گئی کہ ’ زندگی میں ہر اچھی چیز کو ایک دن ختم ہوجانا ہے‘۔

All good things in life must come to an end! ♥️ #ThankyouUmarGul @mdk_gul pic.twitter.com/MLM57UOIpm

— Pakistan Cricket (@TheRealPCB) October 16, 2020

اپنی خطرناک ان سوئنگنگ یارکرز کی بدولت ’گلڈوزر‘ کے نام سے مشہور ہونے والے عمرگل نے پاکستان کے پیس اٹیک  کو ایسے وقت میں کئی سال تک تن تنہا سنبھالے رکھا  جب دیگر نامورفاسٹ بالرز  یا تو انجریز  کا شکار تھے یا بعض وجوہات کی بناء پر ٹیم سے باہر تھے۔

پی سی بی نے اپنے ایک ٹوئیٹ میں عمر گل کا شکریہ بھی ادا کیا۔

PCB congratulates @mdk_gul on a successful career#NationalT20Cup https://t.co/GljWxmiBUv pic.twitter.com/rzIXv7rq9h

— Pakistan Cricket (@TheRealPCB) October 16, 2020

واضح رہے کہ 20 سال پر محیط کیریئر میں عمر گل نے 987 وکٹس اپنے نام کیں۔

عمر گل کولگاتار دو مرتبہ  2007 اور 2009 کے ٹی ٹوئنٹی ورلڈکپ میں سب سے زیادہ وکٹیں حاصل کرنے کا اعزاز بھی حاصل ہے۔

2009 میں عمر گل کی شاندار بالنگ کی بدولت پاکستان ٹیم  نے ایونٹ میں فتح حاصل کی تھی۔

3 overs.
6 runs.
5 wickets!

Advertisement

One of the greatest bowling spells in #WT20 history!

On @mdk_gul's birthday, watch his stunning performance against New Zealand in 2009! 🔥 pic.twitter.com/z90OQF8j0r

— ICC (@ICC) April 14, 2018

2009 کے ٹی ٹوئنٹی ورلڈ کپ میں عمر گل نے گروپ میچ نیوزی لینڈ کے خلاف محض 6 رنز دے 5 وکٹیں حاصل کی تھیں جو ٹی ٹوئنٹی ورلڈ کپ(موجودہ ورلڈ ٹی ٹوئنٹی) کا اب تک کا بہترین بالنگ فیگر ہے۔